«Լիվերպուլի» լեգենդը վարակվել է կորոնավիրուսով
«Լիվերպուլի» նախկին ֆուտբոլիստ և գլխավոր մարզիչ Քենի Դալգլիշի մոտ ախտորոշվել է կորոնավիրուս: Այս մասին հայտնում է «կարմիրների» պաշտոնական կայքը:
Չորեքշաբթի՝ ապրիլի 8-ին, 69-ամյա Դալգլիշը տեղափոխվել է հիվանդանոց՝ բուժման համար: Բուժումն ընթանում է ներերակային հակաբիոտիկների ներարկմամբ:
Բացի այդ, նշվում է, որ Դալգլիշը կորոնավիրուսի թեստ է հանձնել, չնայած նրա մոտ հիվանդության ախտանշաններ չեն նկատվել: Թեստը դրական արդյունք է տվել, Դալգլիշը նախկինի նման ախտանիշեր չունի:
Պատրաստեց Անի Գաբուզյանը
