5 օրինակ, թե ինչպես է տեխնոլոգիան փոխում մեր մարմինը

Բժշկական քարտի մուտք, ճանապարհորդության և գնումների վճարում, կողպեքների բացում և ձեռքի շարժումով խելացի տան վերահսկողություն: Ստորև այն մասին, թե ինչպես են վերջին գիտական նվաճումներն արդեն փոխվում կամ շուտով փոխելու մեր մարմինը:

Բոդիմոդիֆիկացման նորաձևությունը գոյություն է ունեցել դեռևս հին ժամանակներից: Այնուհետև բոլոր տեսակի դաջվածքները, պիրսինգը՝ դեմքի և մարմնի վրա, ներկված ատամները և այլն,  արտացոլում էին հասարակությունում դիրքը, հարստության մակարդակը, ավանդույթներին կամ կրոնական ծեսերին հետևելը:

Այսօր դրանք կորցրել են իրենց բնօրինակ իմաստը և օգտագործվում են մարմինը զարդարելու համար: Միևնույն ժամանակ, տեխնոլոգիաների զարգացման հետ մեկտեղ, հայտնվել են բոդիմոդիֆիկացման նոր տարբերակներ, որոնք հաճախ թաքնված են տեսադաշտից, բայց ունեն օգտակար գործառույթներ: Մենք խոսում ենք մարմնում տեղադրված չիպսերի և սարքերի մասին:

1. Կոխլեար իմպլանտացիա

Կոխլեար իմպլանտացիան լսողական ծանր խանգարումներ ունեցող անձանց թույլ է տալիս տարբերակել հնչյունները, ձայները և խոսքը: Սարքը բաղկացած է մի քանի տարրերից: Էլեկտրոդների մի շղթա է մտցվում կոճղերի մեջ, ստացողը և ազդանշանի ապակոդավորիչը ենթամաշկային փոխպատվաստվում են, իսկ գլխիկի մակերևույթի վրա տեղադրվում են միկրոֆոն, հաղորդիչ և միկրոպրոցեսոր: Այսպիսով, մարդը, ով ամբողջությամբ կորցրել է լսողությունը, հնարավորություն է ունենում վերադարձնել այն:

2․ Չիպ–բժշկական քարտ

2004 թվականին Միացյալ Նահանգներում սկսեցին օգտագործել VeriChip միկրոչիպերը բժշկական նպատակներով: Բրնձի հատիկի չափ սարքը թույլ է տալիս հաստատել հիվանդի ինքնությունը, ինչպես նաև պարզել նրա արյան տեսակը, ալերգիայի կամ քրոնիկ հիվանդությունների առկայությունը:

Չիպը տեղադրվում է մաշկի տակ ուսի շրջանում: Այն պարունակում է կոդ, որը համակարգչում կարդալիս հնարավորություն է տալիս մուտք ունենալ մարդու բժշկական պատմությանը: Այս իմպլանտը կարող է փրկել նրա կյանքը, եթե բժիշկները նրան անգիտակից գտնեն: Չիպը օգտակար է նաև դեմենցիա ունեցող տարեց մարդկանց համար:

3. Չիպ դեղամիջոցների ներդրման համար

Սա ներկա, ինչպես նաև մոտ ապագայի տեխնոլոգիա է: Այն հիմնված է մաշկի տակ գտնվող միկրոչիպի իմպլանտացիայի վրա, որը պարունակում է դեղամիջոցների ռեզերվուար և դեղը մտցնում է հիվանդի մարմին` համաձայն ծրագրով սահմանված ժամանակացույցի:

Սարքերը հաջողությամբ փորձարկվել են առնետների վրա, և 2012-ին մարդկանց մոտ այդպիսի միկրոչիպերի առաջին ստուգման համար ստացվել են բավարար արդյունքներ: Այժմ գիտնականները շարունակում են հետազոտել և կատարելագործել սարքերը: Տեխնոլոգիան կարող է լայնորեն կիրառվել շաքարախտով հիվանդների դեպքում: Միևնույն ժամանակ՝ գոյություն ունեն միայն ինսուլինի պոմպեր, որոնք դեղը  փոխանցում են  ճիշտ հերթականությամբ: Բայց դրանք իմպլանտանտ սարքեր չեն. ասեղը կցվում է մարմնին, իսկ հաղորդիչն ու մյուս սարքերը պետք է տեղափոխվեն ձեզ հետ:

4. Չիպ-բանալի

Եթե ​​նախորդ սարքերը կապված են բժշկության հետ և իմպլանտացիայի համար են, ապա այս դեպքում  մարդիկ կարող են ունենալ կենցաղային չիպեր:

Առաջին փորձարարներից մեկն ամերիկացի Ամալ Գրաաֆստրան էր: 2005-ին բժիշկների օգնությամբ նա փոքրիկ չիպ է դրել ձախ ձեռքի մաշկի տակ: Սրան զուգահեռ՝ տղամարդը տան և մեքենայի կողպեքները փոխել է էլեկտրոնայինի: Ծրագրելով ենթամաշկային սարքը՝ տղան կարողացավ ձեռքի շարժումով բացել դռները: Նույն ձևով նա մուտք գործեց իր գրասենյակ:

Գրաաֆստրան գոհ էր իր փորձից և 2013-ին հիմնեց ընկերություն՝  բարձր տեխնոլոգիաների իմպլանտների արտադրության համար: Ուղղակի մեկ տարի անց նա մշակեց աշխարհում առաջին իմպլանտանտ NFC հաղորդիչը:

5. Մտքերը կարդալու համակարգ

2019 թվականին ապագայի տեխնոլոգիաները ներկայացրեց Իլոն Մասկը: Ամերիկյան Neuralink ընկերության համակարգը էլեկտրոդներով ամենաբարակ «լարերն» է: Մարդու ուղեղում իմպլանտացիա կատարելուց հետո նրանք պետք է մտքերը փոխանցեն ականջի ետևում տեղակայված սարքին, իսկ այնտեղից` համակարգչին կամ հեռախոսին: Այսպիսով, մշակողները հույս ունեն, որ  պարալիզացված մարդկանց հնարավորություն կտան տեքստային հաղորդագրություններ գրել:

Մինչ այժմ թեստեր են իրականացվել միայն նապաստակների վրա, թեստի արդյունքները գոհացուցիչ են եղել:

Սիրարփի Աղաբաբյան