Մարտ 2020

Կորոնավիրուսի տարածմամբ պայմանավորված` Պետական եկամուտների կոմիտեն ՀՀ ռեզիդենտ ֆինանսական կազմակերպություններին առաջարկում է` 2020թ․ 1-ին եռամսյակում (ըստ ամիսների)՝ վարկառուի (համավարկառուի) կողմից վճարված տոկոսների վերաբերյալ տեղեկանքների բնօրինակները (ՀՀ կառավարության 19․02․2015թ․ N205-Ն և 05․10․2017թ․ N1321-Ն որոշումներով սահմանված կարգի 5-րդ կետի 5-րդ ենթակետով սահմանված) փոստային ծառայության միջոցով ներկայացնել Կոմիտե։

ԱԺ «Լուսավոր Հայաստան» խմբակցության ղեկավար Էդմոն Մարուքյանի խոսքով՝ կորոնավիրուսի դեմ պայքարում իշխանությունների կողմից ամենասկզբում անլուրջ վերաբերմունք է եղել, փոխարենը՝ այսօր իրավիճակին լուրջ են վերաբերվում և լուրջ քայլեր իրականացնում:

«Ժողովուրդ ջան, ձեզ ի՞նչ եղավ։ Մանիպուլյացիայից եք խոսում․ երեկ բոլորս համաձայն էինք, նույն բանն էինք ասում, փաստորեն, երեկ մանիպուլյացիա չէր, այսօր արի ու տես, որ մանիպուլյացիա է, հա՞։ Ինչո՞ւմն է մանիպուլյացիան, նրանում, որ ասում ենք՝ օրենքը չի աշխատի՞»,- այսօր ԱԺ արտահերթ նիստի ժամանակ ասաց ԱԺ «Բարգավաճ Հայաստան» խմբակցության պատգամավոր Արման Աբովյանը։

Արցախի Հանրապետության նախագահական և խորհրդարանական ընտրություններին մարտի 31-ի, ժամը 11:00–ի դրությամբ մասնակցել է ընտրելու իրավունք ունեցող քաղաքացիների 24,9%–ը։

ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօր խորհրդարանական ճեպազրույցի ժամանակ տեղեկացրեց, որ ԼՀԿ-ն դիմել է Կառավարությանը և Ազգային ժողովին և առաջարկել է վերջին մեկ տարում ձևավորված պարգևավճարների ֆոնդը վերցնել այն անձանց դեպքում, երբ խոսքը վերաբերում է 400 հազար դրամից բարձր աշխատավարձ ստացողներին, և այդ գումարներն ուղղել Կառավարության սոցիալական փաթեթների կիրառմանը և դրանք ընդլայնել:

Հայաստանում մարտի 30-ի դրությամ Հայաստնանում հաստատվել է կորոնավիրուսով վարակման ևս 50 դեպք, այս մասին տեղեկանցում է ՀՀ առողջապահության նախարարության մամուլի խոսնակ Ալինա Նիկողոսյանը:

«Երբ Արդարադատության նախարարը խոսում էր նախագծից, ասաց, որ միջազգային պրակտիկայում սա վերջին քայլն է, եթե վիճակը սրվել է, խնդրում եմ, թող ասեն՝ ինչ է եղել, և ինչու են այսպես համառորեն այս օրինագիծը փորձում ընդունել:

Ի՞նչ հարցերի պետք է պատասխանի կառավարությունը արտակարգ դրությունից հետո. Արմեն Աշոտյան

Մեքիսկայում առողջապահության հարցերով խորհուրդը, որի մեջ մտնում են Առողջապահության նախարարությունը և այլ պետական կառույցներ, հայտնել է երկրի առողջպահության ոլորտում արտակարգ դրության մասին և տեղեկացրել նոր սահմանափակումներ մասին:

Ինչ վերաբերում է ժողովրդավարության վերաբերյալ ընդդիմադիր խմբակցությունների պատգամավորների մտահոգություններին, նա ասաց․ «Մի հատ էդ ասողներին նայեք․ որ իրենց թողես՝ իրենք փոքր դիկտատորներ են իրենց տեղերում։ Ասենք, հերիք է, էլի, նման բաներ խոսել»։

Անկախ պատգամավոր Արման Բաբաջանյանն այսօր ԱԺ արտահերթ նիստի ժամանակ ասաց, որ որևէ մեկը չի վիճարկում, որ պետությանն անհրաժեշտ են գործուն իրավական մեխանիզմներ, որոնք կանկրետ իրավիճակում կապահովեն անհրաժեշտ ճկունություն և արձագանքման օպերատիվություն։ Բայց դա, ըստ պատգամավորի՝ չի նշանակում, թե վարակի կանխարգելման և դրա տարածման դեմ պայքարի գործընթացները պետք է ստիպեն մոռանալ մարդու հիմնական իրավունքների և ազատությունների մասին։

Ստեփանակերտի Վահրամ Փափազյանի անվան պետական դրամատիկական թատրոնի շենքում տեղակայված 1/5 ընտրատեղամասում ընտրություններն անցնում են բնականոն հունով:

Արցախի Հանրապետության արտաքին գործերի նախարարությունը մեկնաբանել է արցախում անցկացվող ընտրությունների վերաբերյալ Թուրքիայի արտաքին գերատեսչության հայտարարությանը։ 

Ամերիկայի Միացյալ Նահանգները Հայաստանին է տրամադրել 1.1 միլիոն դոլար, Եվրամիությունը՝ 140 միլիոն եվրո, որից 30 միլիոն եվրոն ուղղվելու է առողջապահական սարքավորումների և նյութերի ձեռքբերման համար, 100 միլիոն եվրոն ուղղվելու է փոքր և միջին ձեռնարկություններին աջակցելուն, իսկ մոտ 10 միլիոնն ուղղվելու է ՀԿ-ների հետ համագործակցությանը:

Արտաքին գործերի նախարարությունը կոչ է անում արտերկրում գտնվող ՀՀ քաղաքացիներին՝ եթե որոշում են կայացրել արտերկրից վերադառնալ Հայաստան, ապա առաջին հերթին՝ անհրաժեշտ է կապ հաստատել տվյալ երկրում ՀՀ դեսպանության հետ, քանի որ օդային հաղորդակցության հետ կապված կան բազմաթիվ խնդիրներ, իսկ եթե չհաջողվի վերադառնալ Հայաստան, ապա արտերկրում գործող ՀՀ դիվանագիտական ներկայացուցչությունները տեղում կապահովեն ՀՀ քաղաքացիներին սննդով, գումարով և կացության համար անհրաժեշտ  վայրով:  

Ոստիկանությունը շարունակում է ապահովել նոր կորոնավիրուսի հնարավոր տարածումը կանխելու նպատակով անձանց ազատ տեղաշարժի սահմանափակումների վերաբերյալ Պարետի որոշման կատարումը։

2020 թվականի մարտի 30-ին` ժամը 19:00-ի սահմաններում, հակառակորդի հենակետերից՝տարբեր տրամաչափերի զենքերից արձակված կրակոցների հետևանքով Տավուշի մարզի Նոյեմբերյան համայնքի Ոսկեվան բնակավայրի տներից մեկի պատշգամբում կրծքավանդակի աջ կեսի շրջանում հրազենային վնասվածք է ստացել նույն բնակավայրի անչափահաս բնակիչ՝ ծնված 2004 թվականին:

Նախագահ Արմեն Սարգսյանը և տիկին Նունե Սարգսյանը ցավակցել են Լևոն Արոնյանին՝ կնոջ՝ Արիանայի մահվան կապակցությամբ:

«Դուք չեք էլ պատկերացնի, թե մենք այսօր ինչքան կցանկանայինք չսահմանափակել մեր քաղաքացիների ազատ տեղաշարժի, խոսքի ազատության, հավաքների ազատության, անձնական տվյալների գաղտնիության, աշխատանքային իրավունքները»,- այսօր ԱԺ արտահեր նիստի ժամանակ ասաց «Իմ քայլը» խմբակցության պատգամավոր Թագուհի Ղազարյանը։

Հալեպում ՀՀ գլխավոր հյուպատոսությունում մարդասիրական առաքելություն իրականացնող խմբի ներկայացուցիչ Արկադի Տոնոյանը հանդիպում է ունեցել Danish Refugee Council (DRC)-ի ղեկավար տիկին Բրենդա Ֆլորսի հետ:

Հեռահաղորդակցության տեխնոլոգիաներով արտակարգ ու աննախադեպ հսկողությունը, որն ԱԺ-ն կընդունի, մի շատ վտանգավոր կարգավորում ունի: Դրանով թույլ է տրվելու կառավարության կողմից հիմնադրած իրավաբանական անձի ձեռքերով հսկողության առնել մեր անձնական տվյալները, անձնական անձեռնմխելությունն ու հեռահաղորդակցության գաղտնիությունը:

Իրավաբան Դավիթ Սանդուխչյանը ֆեյսբուքյան իր էջում կրկին անդրադարձել է Ազգային ժողովում քննարկվող «Արտակարգ դրության իրավական ռեժիմի մասին» օրենքում լրացումներ կատարելու մասին հարցին՝ գրելով.

Շախմատային աշխարհը սգում է Լևոն Արոնյանի կնոջ՝ շախմատիստուհի Արիանե Կաոլիի մահը և իր ցավակցական ուղերձները հղում Լևոնին:

Նա առաջարկեց ֆեյբուքյան չարաճճիությունների և վերնագրեր մանիպուլացնելու փոխարեն՝ ոլորտին և նախագծին վերաբերող հարցազրույցներն ու ելույթները դիտել ամբողջությամբ․ «Հնարավոր է շատ բան սովորեք»։

ԱԺ «Իմ քայլը» խմբկացության պատգամավոր Բաբկեն Թունյանի խոսքով՝ երեկ ԱԺ արտահերթ նիստում առաջին ընթերցմամբ ընդունված «Արտակարգ դրության իրավական ռեժիմի մասին ՀՀ օրենքում» փոփոխություններ կատարելու օրենքի նախագծի վերաբերյալ վերաձևակերպումների մասով որոշակի հարցեր ունեն:

Կարեն Բեքարյանն իր ֆեյսբուքյան էջում անդրադարձել է երեկ հայ-ադրբեջանական սահմանին ադրբեջանական կողմից իրականացված դիվերսիայի մասին ՀՀ ԱԳՆ-ի տարածած հայտարարությանը: 

ԱՄՆ-ն Իտալիային կփոխանցի 100 մլն դոլարի չափով բժշկական օգնություն կորոնավիրուսի դեմ պայքարի շրջանակում:

«Հարգելի գործընկերներ, ես զարմանում եմ, թե ինչ ջանասիրությամբ եք այստեղ փորձում հիմնավորել այս խայտառակ օրենսդրական նախաձեռնությունը»,- այսօր ԱԺ արտահերթ նիստի ժամանակ դիմելով «Իմ քայլը» խմբակցությանը՝ ասաց «Լուսավոր Հայաստան» խմբակցության ղեկավար Էդմոն Մարուքյանը՝ ընդգծելով՝ կառավարությունը մերժել է «Իմ քայլը» խմբակցության առաջարկների մեծ մասը, բայց նրանք փորձում են հիմնավորել, թե նախագիծը լավն է։

Ստեփանակարետի 1/32 ընտրատարածքում այսօր՝ մարտի 31-ին՝ ժամը՝ 10:00-ին, իր քաղաքացիական պարտքն է կատարել «Վերածնունդ» կուսակցության կողմից առաջադրված ԱՀ նախագահի թեկնածու Հայկ Խանումյանը:

Հայաստանը խստորեն դատապարտում է Ադրբեջանի կողմից իրավիճակը հայ-ադրբեջանական սահմանին սրելու փորձերը, որոնց հետևանքով վիրավորում է ստացել Տավուշի մարզի Ոսկևան համայնքի 14-ամյա բնակիչը: