Բախվել են շտապօգնության УАЗ-ն ու Opel-ը. կան վիրավորներ
Այսօր՝ հունվարի 4-ին, ավտովթար է տեղի ունեցել Տավուշի մարզում: Ժամը 17:40-ի սահմաններում Բերդ քաղաքի Մաշտոցի փողոցում բախվել են Նորաշեն բնակավայրի բնակիչ, 23-ամյա Նարեկ Աթոյանի վարած УАЗ մակնիշի 212 AF 61 համարանիշի և Բերդ քաղաքի բնակիչ, 64-ամյա Յուրիկ Բադալյանի վարած Opel Astra մակնիշի 36 PՏ 711 համարանիշի ավտոմեքենանները:
Ինչպես հայտնում է ֆոտոլրագրող Գագիկ Շամշյանը, վթարի հետևանքով Ն. Աթոյանի ուղևոր, Մովսես բնակավայրի բնակիչ, 61-ամյա Գառնիկ Արզումանյանը և Յու. Բադալյանի ուղևոր, 50-ամյա Լուսինե Գյուրջինյանը մարմնական վնասվածքներով տեղափոխվել են Բերդի բժշկական կենտրոն:
Գ. Շամշյանի տեղեկություններով՝ УАЗ-ը հաշվառված է «Բերդ» բժշկական կենտրոնի հաշվեկշռում և վարորդը բժիշկների հետ մեկնում էին կանչի վայր:
Մանրամասներն՝ այստեղ:
