Ջակարտայում ջրհեղեղի հետևանքով առնվազն 50 մարդ է զոհվել
Ինդոնեզիայի մայրաքաղաք Ջակարտայում ջրհեղեղի հետևանքով առնվազն 53 մարդ զոհվել է և մեկն անհետ կորել է: ՏԱՍՍ գործակալությունը տեղեկացնում է, որ այդ մասին հայտնել է Ինդոնեզիայի Աղետների կառավարման ազգային գործակալությունը:
Ջակարտայում հորդառատ անձրևները սկսվել են 2019 թվականի դեկտեմբերի 31-ից: Ուժեղ տեղումների հետևանքով քաղաքի կեսը ջրի տակ է անցել: Գործակալության տվյալներով՝ անօթևան է մնացել ավելի քան 173 հազար մարդ:
