ՌԴ ՊՆ․ ռուսական ուժերը շարունակել են հարվածները Ուկրաինայի նավահանգիստներին
Ռուսաստանի նախագահին կից խորհրդական Անտոն Կոբյակովը հայտարարել է, որ Ռուսաստանը հատուկ ռազմական գործողությունը սկսել է Ուկրաինայի զինված ուժերի կողմից Ռուսաստանի տարածք ներխուժումից երկու շաբաթ առաջ։
Կոբյակովը նշել է, որ Կիևի իշխանությունները մտադիր էին ռազմական գործողությունը սկսել մինչև մարտի 8-ը, սակայն, նրա խոսքով, Մոսկվան «առաջ է անցել»։
«Խորհրդանշական է՝ նրանք ցանկանում էին մեզ պատերազմ «նվիրել» Կանանց միջազգային օրվա առթիվ։ Փոխարենը նրանք ստացան մեր՝ նախկինում ընդհանուր, ռազմական տոնի «սև դրոշմը»», – ասել է նա։
Ռուսական ուժերը շարունակել են հարվածները Ուկրաինայի նավահանգիստներին։ ՌԴ պաշտպանության նախարարության տվյալներով՝ օրվա ընթացքում հարվածներ են հասցվել «Յուժնի» նավահանգստում ռազմական նշանակության բեռներ տեղափոխող երկու նավերի, ինչպես նաև «Չեռնոմորսկ» նավահանգստում վառելիքի պահեստարանների։
