Հալեպի Ազիզիե շրջանի հրապարակում վառվել են ՀՄՄ-ի տոնածառի լույսերը
Ըստ ավանդության, այս տարի ևս Հալեպի Ազիզիե շրջանի հրապարակում դեկտեմբերի 21-ին վառվել են Հայ մարմնամարզական միության տոնածառի լույսերը։ Այս մասին հաղորդում է «Արևելք»-ը։
Աղբյուրի համաձայն՝ այս առիթով ՀՄՄ-ի տարածած մամուլի հաղորդագրության մեջ նշվել է, որ տոնածառի լույսերը վառելու արարողությունը կազմակերպել է Սոցիալ-դեմոկրատական հնչակյան կուսակցության Սիրիայի Հյուսիսային շրջանի մարմնի Վարիչ մարմինը, ներկա են եղել Սիրիայի ջրային պաշարների նախարար և «Բաաս» կուսակցության կենտրոնական կոմիտեի անդամ Հուսեյն Արնուսը, Հալեպի նահանգապետ Հուսեյն Դիաբը, Հայ ավետարանական համայնքի պետ Հարություն Սելիմյանը, Հալեպի քրիստոնեական համայնքների հովվապետեր , պետական և «Բաաս» կուսակցության ներկայացուցիչներ, հյուրեր, հայ համայնքի բազմաթիվ ներկայացուցիչներ։
