««Մանչեսթեր Սիթին» Անգլիայի լավագույն թիմն է». Սուլշեր
«Մանչեսթեր Յունայթեդի» գլխավոր մարզիչ Օլե-Գունար Սուլշերը կարծիք է հայտնել Անգլիայի լիգայի գավաթի խաղարկության կիսաեզրափակչի վիճակահանության վերաբերյալ, որտեղ իր թիմն ուժերը կչափի «Մանչեսթեր Սիթիի» հետ:
«Այս օրերը ֆանտաստիկ օրեր կլինեն Մանչեսթերի համար: «Սիթին» Անգլիայի լավագույն թիմն է, բայց մենք վստահ ենք, որ կհասնենք եզրափակիչ: Իհարկե, մենք նրանց շատ ենք հարգում, և ինչպես ես ասել էի անցյալ անգամ՝ դերբիից հետո, իմ կարծիքով՝ նրանք դեռ լավագույնն են:
Ավելի վաղ մենք ցույց տվեցինք, որ կարող ենք խնդիրներ ստեղծել նրանց համար: Կարծում եմ՝ կլինի երկու ֆանտաստիկ խաղ»,- Սուլշերին է մեջբերում Goal-ը:
Պատրաստեց Անի Գաբուզյանը
