Փոխգնդապետ Սարգիս Ստեփանյանը դարձել է բազկամարտի աշխարհի չեմպիոն
Ռումինիայի Կոնստանցա քաղաքում կայացած հաշմանդամություն ունեցողների բազկամարտի աշխարհի առաջնությունում ՀՀ Զինված ուժերի փոխգնդապետ Սարգիս Ստեփանյանը դարձել է չեմպիոն:
«Շնորհակալ եմ ձեզ` բարի խոսքեր ու դրական լիցքեր փոխանցելու համար։ Դուք եք ինձ ուժ տվողը։ Կհանդիպենք շուտով` մեր սիրելի հայրենիքում։ Սիրում եմ բոլորիդ»,-«Ֆեյսբուք» սոցիալական ցանցի իր էջում գրել է Ստեփանյանը:
Հայաստանի Հանրապետության և Արցախի Հանրապետության «Արիության համար» մեդալակիր փոխգնդապետ Սարգիս Ստեփանյանը Եվրոպայի կրկնակի և աշխարհի արդեն քառակի չեմպիոն է: Վիրավորվել է 2014 թվականին Արցախի պաշտպանական շրջաններից մեկում հակառակորդի դիվերսիոն գործողությունը հետ մղելիս վիրավոր ծառայակից ընկերոջը ականապատված տարածքից հանելու ժամանակ, կորցրել 2 ոտքն ու աջ ձեռքը:
