Հայ մարզիկը ռինգում հաղթել է` «հայի գլխի հետևից եմ գնում» խոսքերի հեղինակ թուրք մրցակցին
Ռուսաստանի Սամարա քաղաքում տեղի ունեցող խառը մենամարտերի (MMA) հոկտեմբերի 6-ին մեկնարկած GFC 18 մրցաշարում հայ մարզիկ Ռաֆայել Աբրահամյանը մրցապայքարի է դուրս եկել թուրք Բաթուհան Աքդումանի հետ։
Հարկ է նշել, որ թուրք մարզիկը Ռուսաստան մեկնելուց առաջ սոցկայքերից մեկի իր էջում գրել էր․ «Գնում եմ Ռուսաստան հայի գլխի հետևից»։
Ի դեպ, այս գրառումից հետո Աբրահամյանը Աքդումանին պատասխանել էր վիդեոուղերձով։
Իսկ արդեն մենամարտի ժամանակ հայ մարզիկը կարողացել էր առավելության հասնել իր թուրք մրցակցի նկատմամբ: Ռաֆայել Աբրահամյանը խեղդում հնարքով տապալել է Աքդումանին՝ բաց չթողնելով նրան այնքան ժամանակ, մինչև մրցավարը դադարեցրել է մենամարտը: Թուրք մարզիկը նույնիսկ մի պահ ուշագնաց է եղել:
ermenihaber.am
