Մելատոնին` երկարակեցության պատճառը

Իհարկե, դուք լսել եք քնի հորմոն մելատոնինի մասին: Այն նաև անվանում են կյանքի ու երկարակեցության հորմոն: Մելատոնինը ոչ միայն արտադրվում է օրգանիզմում, այլև ստացվում է որոշ մթերքներից, կամ այն կարելի է օրգանիզմ ներմուծել դեղամիջոցների ու հավելումների տեսքով:

Ինչպե՞ս է արտադրվում մելատոնինը

Մելատոնինն արտադրվում է էպիֆիզի կողմից, որն իրենից կոնաձև գեղձ է ներկայացնում: Արևի տրիպտոֆան-ամինաթթու լույսի ազդեցությամբ վերածվում է սերոտոնինի, որն էլ մելատոնին է դառնում գիշերվա ընթացքում: Սրա համար էլ շատ կարևոր է ցերեկը նվազագույնը կես ժամ քնելը: Սակայն մելատոնինի շուրջ 70%-ն արտադրվում է գիշերը: Պրոցեսը սկսվում է մոտավորապես 20:00-ին և առավել ինտենսիվ է դառնում մինչև 24:00-4:00:

Ի՞նչ անել մելատոնինի արտադրությունը մեծացնելու համար

• Արեք ամեն ինչ, որ քնելու պառկեք մինչև ժամը 24:00-ն:

• Եթե ձեզ անհրաժեշտ է չառույգանալ այդ ժամից հետո, հնարավորինս քիչ լույս թողեք վառված:

• Ձեզ համար բավական ժամանակ հատկացրեք ուժերը վերականգնելու համար:

• Քնելուց առաջ մարեք լույսի բոլոր աղբյուրները, փակեք շերտավարագույրները, աչքերը փակելու դիմակ կիրառեք:

• Երբ գիշերն արթնանաք, լույսը մի վառեք: 

Ի՞նչ դեր է խաղում մելատոնինը

Մելատոնինի հիմնական գործառույթը կենսառիթմերի կարգավորումն է: Դրա շնորհիվ մենք կարողանում ենք խորը քնել:

Բացի այդ, մելատոնինը

1. Ապահովում է էնդոկրին համակարգի արդյունավետ գործունեությունը

2. Դանդաղեցնում է ծերության գործընթացը

3. Բարձրացնում է իմունային պաշտպանության գործառույթը

4. Ապահովում է հակաօքսիդանտային էֆեկտ

5. Օրգանիզմին օգնում է պայքարել դեպրեսիայի դեմ

6. Ազդում է օրգանիզմում այլ հորմոնների արտադրության վրա

7. Ապահովում է մարսողական համակարգի նորմալ կենսագործունեությունը

8. Օգտակար է ուղեղի բջիջների համար:

Եվ եթե մելատոնինը բավարար քանակությամբ չի արտադրվում, մարդն ավելի արագ է ծերանում, առաջանում են քաշի հետ կապված խնդիրներ, այդ թվում և՝ ճարպակալում: Կանանց մոտ մեծանում են վաղ դաշտանադադարի ու կրծքագեղձի քաղցկեղի զարգացման ռիսկերը:

Ո՞ր մթերքների մեջ մելատոնին կա

Մելատոնին հայտնաբերվել է որոշակի մթերքների մեջ, իսկ որոշ մթերքներ էլ օգնում են այն արտադրել: Մաքուր տեսքով մելատոնին պարունակվում է եգիպտացորենի, բանանի, լոլիկի, բրնձի, գազարի, բողկի, թզի, վարսակի, ընկուզեղենի, գարու և չամիչի մեջ:

Մելատոնինի արտադրության վրա դրականորեն ազդող մթերքներն են դդումը, նուշը, պանիրը, տավարի միսն ու հնդկահավը, հավի ձուն, կաթը, ծիրանը, թխկին, վարսակի փաթիլները, արևածաղկի սերմերը:

Պետք է նշել, որ օրգանիզմում մելատոնինի արտադրությունը դադարում է ալկոհոլ, կոֆեին, ծխախոտ, ինչպես նաև բետա-բլոկատորներ, քնաբերներ, հակաբորբոքային պրեպարատներ և հակադեպրեսանտներ պարունակող որոշակի դեղամիջոցներ օգտագործելիս:

Տարիքի հետ մելատոնինի քանակությունը նվազում է, ինչը հատկապես զգացվում է 35 տարեկանից հետո, դրա համար էլ մենք պետք է մեր օրգանիզմին օգնենք առավելագույնս արդյունավետ կերպով արտադրել այն:

Առողջացեք բնական ճանապարհով ու հոգ տարեք մելատոնինի մասին:

Հրապարակման պատրաստեց Սոֆա Պետրոսյանը