ԱՄՆ-ն խստացնում է Ռուսաստանի դեմ պատժամիջոցները․ ԱՄՆ ֆինանսների նախարար
ԱՄՆ-ն խստացնում է Ռուսաստանի դեմ պատժամիջոցները, այս մասին հայտարարել է ԱՄՆ ֆինանսների նախարար Սքոթ Բեսենտը:
«Առաջինը, ինչ կհայտարարենք, Ռուսաստանի դեմ պատժամիջոցների էական խստացումն է»,- հայտարարել է նա։
Պատժամիջոցների խստացմամբ ԱՄՆ-ն ցանկանում է Ռուսաստանին նստեցնել բանակցությունների սեղանի շուրջ և վերջ դնել ռուս-ուկրաինական պատերազմին։ Հիշեցնենք, որ երեկ Թրամփը չի հաստատել, որ առաջիկայում կհանդիպի Պուտինի հետ։ Ավելի վաղ Սպիտակ տան աղբյուրը լրատվամիջոցներին հայտնել էր, որ հանդիպումը չեղարկվել է, քանի որ Ռուսաստանը պատրաստ չէ գնալ զիջումների։
