«Այսօր ես հպարտությամբ հայտարարում եմ ևս մեկ պատմական քայլի մասին». Թրամփ
Ամերիկայի Միացյալ Նահանգների նախագահ Դոնալդ Թրամփը հայտարարել է, որ խնդրելու է Սենատին դադարեցնել Զենքի առևտրի միջազգային համաձայնագիրը վավերացնելու գործընթացը, որը ստորագրվել է Բարաք Օբամայի նախագահության տարիներին:
Այս մասին հայտնում է ՏԱՍՍ-ը:
«Այսօր ես հպարտությամբ հայտարարում եմ ևս մեկ պատմական քայլի մասին: Օբաման ստորագրել է Զենքի առևտրի միջազգային համաձայնագիրը, իսկ իր պաշտոնավարման վերջին օրերին ուղարկել է Սենատ` այն վավերացնելու համար: Այդ փաստաթուղթը ոտնահարում է ձեր սահմանադրական իրավունքները: Իմ աշխատակազմը երկեք չի վավերացնի այդ համաձայնագիրը»,- ասել է նախագահը:
