«Մանչեսթեր Յունայթեդը» Սուլշերին խոստացել է առնվազն երեք տրանսֆեր
«Բարսելոնայից» կրած պարտությունների (0:1, 0:3) արդյունքում՝ Չեմպիոնների լիգայից դուրս մնալուց հետո «Մանչեսթեր Յունայթեդի» ղեկավարությունը և գլխավոր մարզիչ Օլե-Գունար Սուլշերը որոշել են ամռանն ուժեղացնել թիմը:
Ինչպես գրում է Manchester Evening News-ը՝ «Կարմիր սատանաների» ղեկավարությունը Սուլշերին խոստացել է առնվազն երեք տրանսֆեր:
Բարսելոնայում խաղից հետո Սուլշերը հայտարարել էր, որ ամռանն ակումբը ձեռք կբերի մեկ-երկու ֆուտբոլիստի:
Անդեր Էրերայի՝ ՊՍԺ հնարավոր տեղափոխության դեպքում մանչեսթերյան ակումբը կարող է ստորագրել չորս նորեկի:
Պատրաստեց Անի Գաբուզյանը
