Թրամփը Մեծ Բրիտանիա այցի ընթացքում հանդիպում կունենա Եղիսաբեթ Երկրորդի հետ. Daily Mail
ԱՄՆ-ի նախագահ Դոնալդ Թրամփը Մեծ Բրիտանիա աշխատանքային այցի ընթացքում հանդիպում կունենա Եղիսաբեթ Երկրորդ թագուհու հետ: Այդ մասին ապրիլի լույս 27-ի գիշերը հայտնել է Daily Mail բրիտանական թերթը:
Հրատարակության տեղեկատվության համաձայն՝ երկու պետությունների ղեկավարների հանդիպումը կարող է կայանալ Բալմորալ շոտլանդական դղյակում՝ թագուհու ամառային նստավայրում, կամ Վինձորի դղյակում՝ բրիտանական միապետների պաշտոնական նստավայրում:
Թրամփը Մեծ Բրիտանիա կժամանի հուլիսի 13-ին: Ավելի վաղ Սպիտակ տանը եւ Դաունինգ-սթրիթում հայտնել են, որ նա հանդիպում կունենա Միացյալ Թագավորության վարչապետ Թերեզա Մեյի հետ, հաղորդել է ՏԱՍՍ-ը:
