«ԵՄ հաղորդագրությունը սխալ է մեկնաբանվել». Էդվարդ Նալբանդյան
ՀՀ ԱԳ նախարար Էդվարդ Նալբանդյանը լրագրողների հետ զրույցում անդրադարձավ վերջին օրերին Հայաստանում տեղի ունեցող իրադարձություններին։
Ըստ Նալբանդյանի՝ ԵՄ տարածած հաղորդագրությունը երեկ սխալ է մեկնաբանվել.
«Նշվել է, թե ԵՄ-ն կոչ է անում, որ բոլոր ձերբակալվածներն ազատ արձակվեն։ Հայտարարության մեջ ասված է այլ ձևով՝ բոլոր նրանք, ովքեր ձերբակալված են օրենքով սահմանված կարգով իրենց հիմնարար իրավունքի իրականացման ընթացքում պետք է անհապաղ ազատ արձակվեն։ Այսինքն՝ տարբեր հաղորդագրությունների մեջ բաց էր թողնվել «իրենց իրավունքը օրենքով սահմանված կարգով իրականացնելիս» հատվածը։ Սա կարևոր դրույթ է, որը զարմանալիորեն բաց է թողնվել շատերի կողմից»։
Էդվարդ Նալբանդյանի խոսքով՝ այս իրավիճակում, երբ կրքերը բավական բորբոքված են, շատ կարևոր է, որ ամեն խոսք, ամեն հաղորդագրություն լինի կշռադատված։
