Դեղին ծովում նավեր են բախվել, զոհվել է առնվազն երեք մարդ
Երեք մարդ է զոհվել, եւս երեքն անհայտ կորել ապրիլի 12-ին Դեղին ծովում Տանզանիայի դրոշի ներքո նավարկող 500 տոննա ջրատարողությամբ սառնանավի եւ 15-տոննանոց հարավկորեական ձկնորսական առագաստանավի բախման հետեւանքով: Այս մասին հայտնել է Կորեայի Հանրապետության առափնյա պահպանությունը:
Վերջինիս տվյալներով՝ բախումը տեղի է ունեցել ապրիլի լույս 12-ի գիշերը Մեմուլդո կղզուց (Չոլլա Նամդոյի նահանգ) տասը կիլոմետր հյուսիս – արեւմուտք ընկած շրջանում:
Ծովային ոստիկանությունն անհապաղ 17 կատեր է ուղարկել մարդկանց որոնումների համար եւ ազդանշաններ ուղարկել վթարի վայրի մերձակայքում գտնվող այլ նավերի՝ փրկարարներին օգնելու խնդրանքով: Որոնողական-փրկարարական գործողությունը շարունակվում է, հաղորդել է ՏԱՍՍ-ը:
