Իրաքում ոչնչացվել է ԻՊ-ի պարագլխի աջ ձեռքը՝ Աբու-Վալիդ Աշ Շիշանին. Al Sumaria
Իրաքի զինված ուժերը հանրապետության հյուսիսում ոչնչացրել են «Իսլամական պետություն» ահաբեկչական կազմակերպության պարագլխի՝ Աբու Բաքր ալ Բաղդադիի մերձավոր զինակցին: Այդ մասին հայտնել է Al Sumaria հեռուստաալիքը՝ վկայակոչելով զինվորականների:
Նրա տվյալներով՝ ԻՊ-ի պարագլխի աջ ձեռքը՝ Աբու-Վալիդ Աշ Շիշանին, ոչնչացվել էր Քիրկուկ քաղաքի՝ համանուն նահանգի կենտրոնի ծայրամասում գտնվող ամայի տեղանքում:
Նշվում է, որ գործողության ընթացքում ուժայիններին հաջողվել է հայտնաբերել փաստաթղթեր, որոնք տեղեկատվություն են պարունակում ահաբեկչական խմբավորման մյուս առաջնորդների մասին, հաղորդել է ՏԱՍՍ-ը:
