Մարդու նախնիները երկու ոտքով են քայլել արդեն ավելի քան 4 մլն տարի առաջ. գիտնականներ
Մարդու նախնիները կարող էին երկու ոտքով քայլել ավելի քան 4 միլիոն տարի առաջ, այսինքն՝ էվոլյուցիայի մասին բոլորի կողմից ընդունված պատկերացումից շատ ավելի շուտ:
Այդ մասին վկայում են Նյու Յորքի համալսարանի մասնագետ Էլայն Կոզմայի հետազոտության արդյունքները, որոնք հրապարակվել են Proceedings of the National Academy of Sciences հանդեսում: Մինչեւ 4,4 միլիոն տարեկան Արդիպիտեկուս ռամիդուսի (Ardipithecus ramidus) կմախքի մնացորդների տարրալուծումը ցույց է տվել, որ այդ հնադարյան հոմինիդը կարող, էր, ինչպես մարդը, քայլել երկու ոտքով:
Գիտնականներն ավանդաբար կարծում են, թե մարդկանց հնադարյան նախնիներն, ինչպիսիք են ավստրալոպիտեկ Լյուսին, որն ապրել է 3,1 միլիոն տարի առաջ, ընտելացած չէին երկու ոտքով քայլելուն, քանի որ տակավին շարունակում էին ապրել առավելապես ծառերի վրա:
Անտրոպոգենեզի տեսության համաձայն՝ ուղիղ քայլող մարդը կամ Homo erectus-ը հայտնվել է 1,4 միլիոնից մինչեւ 500 հազար տարի առաջ ընկած ժամանակաշրջանում: Իր հերթին նոր հետազոտությունը ցույց է տալիս, որ երկու ոտքով քայլելու ունակությունը չի փոխարինել հնադարյան կաթնասունների մյուս ունակություններին, այլ զարգացել էզուգահեռաբար, հաղորդել է ՌԻԱ Նովոստին:
