Դահուկավազքի առաջնությունն առաջին անգամ կանցկացվի Աշոցքում
Հայաստանի դահուկավազքի առաջնությունն այս տարի առաջին անգամ կանցկացվի Աշոցքում:
Այս մասին «Արմենպրես»-ի հետ զրույցում ասաց Հայաստանի դահուկասպորտի ֆեդերացիայի գլխավոր քարտուղար Գագիկ Սարգսյանը: «Հայաստանի այս առաջնությանը մասնակցում է մոտ 50 մարզիկ: Այն վերջին վարկանիշային մրցաշարն է Օլիմպիական խաղերից առաջ: Մեր մրցումներին այս տարի մասնակցում են մարզիկներ Իրանից, Բրազիլիայից: Մասնակցության հայտ ունենք անգամ Մեքսիկայից: Այս տարվա առաջնությունն անցկացնում ենք Աշոցքում, քանի որ Ծաղկաձորում բավականաչափ ձյուն չկա»,-ասաց Սարգսյանը:
Դեռևս հայտնի չէ, արդյոք առաջնությանը կմասնակցի՞ Հայաստանի առաջատար դահուկորդ Սերգեյ Միքայելյանը: Նա դեռևս վերականգնվում է վնասվածքից:
Հայաստանի առաջնությունը կմեկնարկի հունվարի 12-ին և կեզրափակվի 14-ին:
