Ահմադինեժադի փաստաբանը հերքել է նրա ձերբակալության մասին տեղեկատվությունը
Իրանի նախկին նախագահ Մահմուդ Ահմադինեժադի ձերբակալության մասին տեղեկատվությունը չի համապատասխանում իրականությանը: Erm News-ի փոխանցմամբ՝ այս մասին լրագրողների հետ զրույցում ասել է Ահմադինեժադի փաստաբանը, որի անունը չի հաղորդվում: Պարզ չէ նաև, թե որտեղ է գտնվում Մահմուդ Ահմադինեժադը:
Հիշեցնենք, որ հունվարի 7-ին Իրանի նախկին նախագահի ձերբակալության մասին տեղեկատվություն էր տարածել al-Quds al-Arab թերթը՝ վկայակոչելով Թեհրանում իր «վստահելի աղբյուրը»:
Թերթի փոխանցմամբ՝ նրան ձերբակալել էին Բուշիր քաղաքում հունվարի 4-ին ունեցած ելույթի պատճառով:
Նշենք, որ իր ելույթում Մահմուդ Ահմադինեժադը կարծիք էր հայտնել, որ «ներկայիս որոշ պաշտոնյաներ ապրում են հասարակ մարդկանց խնդիրներից հեռու, ոչինչ չգիտեն հասարակության իրական դրության մասին»:
