Ինչ հարց կտային տնօրենները, եթե աշխատանքի ընդունվելու հարցազրույցը կազմված լիներ միայն մեկ հարցից

Ինչ հարց կտային տնօրենները, եթե աշխատանքի ընդունվելու հարցազրույցը կազմված լիներ միայն մեկ հարցից

Ի՞նչ կհարցնեին ընկերությունների ղեկավարները, եթե աշխատանքի ընդունվել ցանկացողներին հնարավորություն ունենային միայն մեկ հարց տալ։ Ո՞րն է այն ամենակարևոր հարցը, որը կարող է օգնել կողմնորոշվել՝ արժե՞ տվյալ մարդուն աշխատանքի վերցնել, թե՞ ոչ։

Սա պարզելու համար New York Times-ի սյունակագիր Ադամ Բրայանը զրուցել է հարյուրավոր CEO-ների (գլքավոր գործադիր տնօրեն) հետ։

Ամենից շատ նրան տպավորել է CA Technologies ընկերության տնօրեն Բոբ Բրեննանի տարբերակը՝ ձեր ծնողների ո՞ր գծերն եք ամենաշատը սիրում և որոնք չեք սիրում։

Բրեննանն ասել է, որ այդ հարցի օգնությամբ ինքը ցանկանում է պարզել, թե մարդիկ որքանով են պատրաստ իսկապես խոսել իրենք իրենց մասին։ «Երբ ես որևէ մեկին հարցնում եմ՝ իր ծնողների ո՞ր գծերն է ամենաշատը սիրում և որոնք չի սիրում, նա կարող է զայրանալ այդ հարցից, կարող է հետաքրքրվել՝ ինչում եմ նման հարց տալիս, կամ ինչու ոչ՝ կարող է անկեղծ պատասխանել։ Ու եթե թեկնածուն այդ հարցը լսելիս ակնհայտորեն զայրանում է, դա նրան խոցելի է դարձնում տվյալ իրավիճակում (աշխատանքի ընդունվելու հավանականության առումով – խմբ.)», – ասում է Բրեննանը։

Ադամ Բրայանը կարծում է, որ այս հարցի պատասխանը մյուսներից ավելի լավ է թույլ տալիս հասկանալ, թե տվյալ մարդը ինչպես կպահի իրեն հաջորդ ամիսների և տարիների ընթացքում։ Մարդիկ ընդօրինակում են իրենց ծնողների այն գծերը, որոնք նրանց դուր են գալիս։ Եվ հակառակը՝ ձգտում են հակառակն անել այն գծերի դեպքում, որոնք դուր չեն գալիս։

Էթիկայի և մնացած առումներով որքանո՞վ է թույլատրելի նման հարց տալ աշխատանքի ընդունվել ցանկացողներին։ Ադամ Բրայանն ասում է, որ ինքը դա թողնում է HR մասնագետներին։ Փոխարենը, ըստ նրա, նման հարցեր օգտագործելը լիովի հասկանալի է։ «Աշխատանքի ընդունվել ցանկացողները արդեն վարժվել են և սահուն պատասխանում են «Որոնք են ձեր ուժեղ և թույլ կողմերը» տիպի հարցերին։ Այնպես որ տնօրենները պետք է փորձեն դուրս գալ այդ ստանդարտ հարցերի և պատասխանների շրջանակից»։

Ըստ World Economic Forum-ի

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։