Վալվերդեն չի ցանկանում հանդիպել «Մանչեսթեր Յունայթեդին» Չեմպիոնների լիգայում
«Բարսելոնայի» գլխավոր մարզիչ Էռնեստո Վալվերդեն ընկերական մրցաշարում «Մանչեսթեր Յունայթեդին» հաղթելուց հետո խոսել է անգլիական ակումբի մասին:
Առաջին հերթին Վալվերդեն նշել է, որ գոհ է թե՛ արդյունքից, թե՛ իր թիմի ցուցադրած խաղից:
«Խաղն ընկերական էր, բայց մենք հաղթեցինք մեծ ջանքերի շնորհիվ: «Մանչեսթեր Յունայթեդը» շատ բարդ մրցակից է: Նրանց հաղթելը բարդ է բոլոր թիմերի համար: Կարծում եմ՝ նրանք կխաղան Չեմպիոնների լիգայի եզրափակիչ փուլերում: Չէի ցանկանա խաղալ նրանց հետ Չեմպիոնների լիգայում»,- նշել է կատալոնական ակումբի նորանշանակ մարզիչը:
Սիրարփի Աղաբաբյան
