Մոսկվայում երկու գնացք իրար են բախվել. կա 50-ից ավել վիրավոր

Ապրիլի 8-ի ուշ երեկոյան Մոսկվա-Ուսովո ուղղությամբ շարժվող մերձմոսկովյան էլեկտրագնացքը բախվել է Մոսկվա-Բրեստ ուղղությամբ շարժվող գնացքին, հաղորդում է BBC-ն:

Ըստ նախնական տվյալների, պատահարի մեղավորը հետիոտն է: Գնացքներից մեկը կտրուկ արգելակել է նրան վրաերթ անելուց խուսափելու նպատակով, ինչի արդյունքում գծերից դուրս է եկել և բախվել հանդիպակած երթուղով սլացող գնացքին:

Բախման հետևանքով տուժել է 50 ուղևոր, նրանցից 12-ը հոսպիտալացվել է, 6-ի վիճակը ծանր է, այդ թվում երկու մեքենավարների:

Հաղորդվում է, որ տուժածների թվում կան օտարերկրացիներ։