Աստրախանում իսլամիստներն սպանել են ճանապարհապարեկային ծառայության երկու տեսուչների
Աստրախանում երկու ոստիկանների սպանության հանցակցության կասկածանքով որոնվում է ութ մարդ, ինչի մասին հայտնել է Ռուսաստանի Քննչական կոմիտեի տարածաշրջանի քննչական վարչությունը: Հաղորդագրությունը հրապարակված է գերատեսչության կայքում։
Աստրախանի տարածաշրջանի նահանգապետ Ալեքսանդր Ժիլկինի հայտարարության համաձայն՝ ոստիկանների սպանությանը մասնակցել են մի խումբ արմատական վահաբականիսլամիստներ:
Ապրիլի 3-ի լույս 4-ի գիշերը ժամը մոտավորապես 00:30-ին Աստրախանի Լենինյան շրջանում անհայտ անձինք գնդակահարել են ճանապարհա պարեկային ծառայության երկու տեսուչների նրանց ծառայական ավտոմեքենայում: Դրանից հետո հարձակվողները վերցրել են սպանվածների ցուցակային զենքն ու փախել:
Պարեկային ոստիկանների վրա հարձակումը տեղի է ունեցել այն բանից հետո, երբ նրանք ժամանել էին ճանապարհատրանսպորտային պատահարի մասին կանչով:
Հարձակվողները եկել են «Գազելով», ավտոմեքենան արդեն հայտնաբերվել է. այն լքված վիճակում գտել են Աստրախանի մարզի Պրիվոլժսկի շրջանի Տրի պրոտոկա գյուղի ճամփեզրին: