ԵՄ-ի դատարանը գործատուներին թույլատրել է աշխատավայրում հիջաբ կրելու արգելք սահմանել
Եվրոպայի արդարադատության դատարանը հաստատել է աշխատավայրում ծառայողներին հիջաբներ (մահմեդական կանանց գլխաշոր) եւ «կրոնական պատկանելության այլ խորհրդանշաններ» կրելն արգելող կանոններ սահմանելու գործատուների իրավունքը: Այս մասին ասված է դատարանի՝ մարտի 14-ին հրապարակված վճռում:
«Ներքին կարգապահության նորմաները, որոնք արգելում են աշխատավայրերում քաղաքական, կրոնական կամ գաղափարախոսական պատկանելության տեսանելի խորհրդանշանների կրումը, ուղղակի խտրականություն չեն»,-ասված է դատարանի վճռում:
Դատարանը հավաստել է, որ այդ արգելքները չեն խախտում Եվրամիության նորմաները, հաղորդել է ՏԱՍՍ-ը:
