Հայաստանի ներքին զբոսաշրջությունն աճել է 12.4%-ով
Ըստ ստացված հաշվետվությունների տվյալների, 2016թ. հունվար-դեկտեմբերին Հայաստանի Հանրապետության տարածքում հյուրանոցային տնտեսության օբյեկտներում տեղաբաշխված զբոսաշրջիկների թվաքանակը կազմել է 979 968 մարդ (ՀՀ ռեզիդենտներ), ինչը 2015թ. նույն ժամանակաշրջանի նկատմամբ աճել է 12.4%-ով: Այս մասին տեղեկանում ենք ՀՀ Ազգային վիճակագրական ծառայության զեկույցից։
Ներքին զբոսաշրջության մեծ մասը (71.1% կամ 696.6 հազար այցելություն) կատարվել է հանգստի և ժամանցի նպատակով։ Նախորդ տարվա համեմատ այս թիվն աճել է 17.2%-ով։
Գործնական նպատակով ներքին այցելություններն աճել են 7.2%-ով, իսկ բուժման և այլ նպատակներով ներքին զբոսաշրջությունը նվազել է։
