Իվան Ռակիտիչն արձագանքել է «Բարսելոնայից» հեռանալու մասին խոսակցություններին
Կատալոնական «Բարսելոնայի» կիսապաշտպան Իվան Ռակիտիչը հերքել է այն տեղեկությունները, ըստ որի՝ արդեն այս ամառ պատրաստվում է լքել կատալոնական ակումբը:
Ֆուտբոլիստը նշել է, որ իր սիրտը պատկանում է «Բարսելոնային», և իր հիմնական նպատակը, որքան հնարավոր է՝ ակումբի հետ տիտղոսներ նվաճելն է:
«Գործակալս տեղեկացրել է, որ իմ նոր պայմանագիրը գրեթե պատրաստ է, այնպես որ, կարող եք հանգիստ լինել՝ ապագայում ես չեմ պատրաստվում որևէ տեղ հեռանալ»,- նշել է խորվաթ ֆուտբոլիստը:
Սիրարփի Աղաբաբյան
