Ամանորյա ամենահամեղ մանկական աղանդերը

Ինչ է պետք այս շատ հեշտ պատրաստվող և շատ համեղ աղանդերի համար:

1. Բիսկվիթի համար – 4 հատ ձու, 1 բաժակ շաքարավազ, 1 բաժակ ալյուր:

2. Հիմք՝ գնդիկների համար – 8 ճ/գ խտացրած կաթ, 200 գ կարագ:

3. Շապիկ՝ գնդիկների համար – շոկոլադե ջնարակ կոնֆետների համար կամ շոկոլադ (150-200գ) + կարագ: Կարելի է օգտագործել նաև գունավոր զարդեր կամ կոկոսի քերուկ:

4. Փայտիկներ

Ինչպես պատրաստել.

1. Ձվերի վրա ավելացնել շաքարավազ և հարել 15-20 րոպե՝ մինչև սպիտակելը:
2. Ստացված զանգվածին ավելացնել ալյուրը, խառնել:
3. Թխել բիսկվիթը 40 րոպե, 180 աստիճան ջեռոցում: Բիսկվիթը թխելու ժամանակ ջեռոցը չբացել:
4. Պատրաստի բիսկվիթը թողնել հանգստանալու (8-12 ժամ):
5. Բիսկվիթը մանրացնել բլենդերի օգնությամբ:
6. Առանձին թասի մեջ խառնել կարագը և խտացրած կաթը, ավելացնել մանրացրած բիսկվիթը, խառնել:
7. Ձևավորել գնդիկներ 2 սմ տրամագծով, մոտ 1 ժամ դնել սառնարանի մեջ:
8. Այդ ընթացքում հալեցնել շոկոլադը, քիչ-քիչ ավելացնել կարագը, այնպես, որպեսզի ստացվի միջին պնդության զանգված:
9. Սառնարանից հանել գնդիկները, դրանց մեջ փայտիկներ մտցնել, պատել շոկոլադով և զարդարել:

Պատրաստեց Անի Գաբուզյանը