«ԵԱՀԿ ՄԽ համանախագահները չեն պլանավորում այցելել տարածաշրջան». Ուորլիք
Մենք չենք պլանավորում շտապ այց կատարել տարածաշրջան։ Այս մասին հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը ադրբեջանական APA գործակալության հետ զրույցում։
Նրա խոսքով՝ ֆրանսիացի նոր համանախագահ Ստեֆան Վիսկոնտին եղել է տարածաշրջանում, բանակցություններ է վարել Հայաստանի և Ադրբեջանի նախագահների հետ։
«Եթե դա արդյունք տա, ապա մենք պատրաստ ենք ցանկացած պահի այցելել տարածաշրջան»,- ասել է Ուորլիքը։
Դեսպանը ևս մեկ անգամ նշել է, որ իր պաշտոնից հրաժարական կտա դեկտեմբերի 31-ին, ԵԱՀԿ ՄԽ ամերիկացի համանախագահի ժամանակավոր պաշտոնակատարը կնշանակվի մոտ ժամանակներս։
