«Վալենսիան» Ժոզե Մոուրինիոյին կառաջարկի տարեկան 19 մլն եվրո
Չղջիկների սեփականատեր Պիտեր Լիմը պատրաստ է պայթեցնել տրանսֆերային շուկան:
Միլիարդատերը թիմի գլխավոր մարզչի պաշտոնում ցանկանում է տեսնել Մոուրինիոյին, և նա արդեն մի շարք հանդիպումներ է ունեցել մարզչի գործակալ Ժորժե Մենդեշի հետ: Առաջին հանդիպումը տեղի է ունեցել դեռևս փետրվարին, երբ Մոուրինիոն և Մենդեշը հյուրընկալվել էին Լիմին` նրա հարազատ Սինգապուրում:
Ինչպես հայտնի է դարձել The Sun-ին, «Վալենսիան» կառաջարկի Ժոզե Մոուրինիոյին տարեկան 19 մլն եվրո աշխատավարձ և 125 մլն եվրո` ամառային տրանսֆերների համար: Հաշվի առնելով նաև բոնուսները, պորտուգալացին «Վալենսիայում» կարող է վաստակել տարեկան 25 մլն եվրո:
Լա Լիգայի ավարտից 8 տուր առաջ «Վալենսիան» գրավում է 14-րդ տեղը:
The Sun-ը բրիտանական տաբլոիդ է, որը տարածում է նաև չճշտված աղբյուրներից ստացված տեղեկություններ:
Պատրաստեց Անի Գաբուզյանը
