«Եթե Պլատինին չներկայացնի իր անմեղության ապացույցները, մենք կդադարեցնենք մեր աջակցությունը». Նիդեռլանդների Թագավորական ֆուտբոլային միություն

Նիդեռլանդերի Թագավորական ֆուտբոլային միության տնօրեն Բերտ Վան Օստվենը մեկնաբանել է ՖԻՖԱ-ի փոխնախագահ, ՈւԵՖԱ-ի նախագահ Միշել Պլատինիին ֆուտբոլային գործունեությունից 90 օրով հեռացնելու հետ կապված իրավիճակը:

Հիշեցնենք, որ 60-ամյա ֆրանսիացին պատժվել է այն բանի համար, որ իր ժամանակին` ըստ բանավոր համաձայնության, 2 մլն շվեյցարական ֆրանկ է ստացել ՖԻՖԱ-ի նախագահ Յոզեֆ Բլատերից:

«Պլատինին պետք է ներկայացնի իր անմեղության իրավաբանորեն համոզիչ ապացույցներ:

Եթե վճարման վերաբերյալ չլինի տրամաբանական բացատրություն, ապա ես մտածում եմ, որ Նիդեռլանդների Թագավորական ֆուտբոլային միությունը կդադարեցնի իր աջակցությունը:

Նա պետք է համոզի մեզ իր անմեղության մեջ»,- ասել է Վան Օստվենը:

Պատրաստեց Անի Գաբուզյանը