Ինչպե՞ս պարզել՝ սազո՞ւմ է կարճ սանրվածքը, թե՞ ոչ
Մեզանից յուրաքանչյուրը կյանքում ժամանակ առ ժամանակ ցանկանում է կտրել մազերը: Սակայն մինչ կտրելը սկսում ենք կասկածել՝ արդյոք կսազի՞ մեզ կարճ սանրվածքը, թե՞ ոչ:
Խնդիրը կարելի է լուծել հրաշալի «5,7 սանտիմետր» հավասարությամբ: Այս բանաձևն առաջարկել է հայտնի ոճաբան Ջոն Ֆրիդը: Նա երկար ժամանակ ուսումնասիրել է տարբեր սանրվածքներ և ստեղծել նորերը՝ տարբեր կառուցվածքի դեմքերի համար: Ոճաբանը հասկացել է, որ ամեն ինչ կախված է ծնոտի և ականջների դիրքի հարաբերակցությունից:
Այս մեթոդը շատ հեշտ է, հստակ և գործում է բոլոր տեսակի դեմքերի համար:
Այսպիսով, որպեսզի պարզեք՝ սազո՞ւմ է ձեզ կարճ սանրվածքը, թե՞ ոչ, ապա ծնոտին մատիտ մոտեցրեք՝ այն հորիզոնական պահելով, իսկ քանոնը մոտեցրեք ականջին այնպես, որ 0 նիշն ընկնի ականջի մեջտեղի հատվածում, և ուղղահայաց պահեք: Իսկ այժմ տեսեք, թե մատիտի սուր հատվածը քանոնի վրա ո՞ր թվին է մոտ: Եթե 5,7 սանտիմետր կամ ավելի քիչ, ապա սանրվածքը ձեզ համար է, իսկ եթե ավելի է, ապա՝ ոչ:
Նյութը հրապարակման պատրաստեց Լիլիթ Հարությունյանը
