ԵՄ-ի միգրացիոն քաղաքականության հարցը կքննարկվի հունիսին. Մերկել
Ռուսական РИА Новости լրատվական գործակալության փոխանցմամբ՝ Գերմանիայի կանցլեր Անգելա Մերկելը հայտարարել է, որ միգրացիոն քաղաքականության հարցը կքննարկվի հունիսին կայանալիք՝ ԵՄ գագաթաժողովում:
Մերկելի խոսքերով՝ այդ հարցը քննարկվել է ապրիլին ԵՄ ղեկավարների արտահերթ հանդիպման ժամանակ. «Մենք այդ թեմայի շուրջ ունեցանք լավ և նպատակամղված քննարկումներ, սակայն դա պետք է շարունակվի:
Մենք դիմել ենք Եվրոպական հանձնաժողովին՝ խնդրելով մշակել սեփական առաջարկներ, նա պետք է ներկայացնի աշխատանքային պլան: Հունիսին այդ թեման վերստին տեղ կգտնի ԵՄ Խորհրդի օրակարգում»:
Մերկելը հայտարարել է, որ ԵՄ բոլոր երկրները պետք է որոշում ընդունեն փախստական ներգաղթյալների արդար բաշխման մասին, ընդ որում՝ անհրաժեշտ է հաշվի առնել յուրաքանչյուր երկրի բնակչության թվակազմն ու տնտեսության վիճակը:
