Անկարայում Բուլղարիայի դեսպանը կանչվել է Թուրքիայի ԱԳՆ՝ կապված Հայոց ցեղասպանության հետ
Թուրքիայի ԱԳՆ-ի պաշտոնական կայքի փոխանցմամբ՝ ապրիլի 24-ին Բուլղարիայի խորհրդարանն ընդունել է 1915 թվականին Օսմանյան կայսրությունում հայերի «զանգվածային սպանությունները» դատապարտող բանաձև: Դրա հետ կապված՝ Անկարայում Բուլղարիայի դեսպանը կանչվել է Թուրքիայի ԱԳՆ:
Այստեղ նրան հայտարարվել է, որ «Ատակա» կուսակցութան նախաձեռնությամբ ընդունված այդ բանաձևը բացասաբար է ազդելու Թուրքիայի ու Բուլղարիայի հարաբերությունների վրա:
Թուրքիայի ԱԳՆ-ն ընդգծել է, որ դա Թուրքիայի հանդեպ բարեկամական քայլ չէ, և, որ Թուրքիան մերժում է պատմությանն առնչվող այդ «զրպարտանքը»: Միևնույն ժամանակ՝ Թուրքիայում որոշել են Բուլղարիայից հետ չկանչել իրենց դեսպանին:
