Չինաստանը Վենեսուելային տրամադրել է 5 միլիարդ դոլարի վարկ
France 24 հեռուստաալիքի փոխանցմամբ՝ Չինաստանը Վենեսուելային տրամադրել է 5 միլիարդ դոլարի վարկ: Այս մասին պետական հեռուստաալիքների եթերում հայտարարել է Վենեսուելայի նախագահ Նիկոլաս Մադուրոն. «Մենք հենց նոր մեր զարգացման համար ստացանք 5 միլիարդ դոլար»:
Մադուրոն չի ներկայացրել վարկի տրամադրման մանրամասները: Չինաստանը հանդիսանում է Վենեսուելայի քաղաքական ու տնտեսական խոշորագույն դաշնակիցը: Բացի այդ, Չինաստանը վենեսուելական նավթի խոշորագույն գնորդն է: Սրանից առաջ հաղորդվել էր, որ Չինաստանն Իրանի նավթային ոլորտում կարող է ներդնել 60 միլիարդ եվրո:
