Իրանը ռազմական պատրաստականությունը բարձրացրել է առավելագույն մակարդակի
Իրանի զինված ուժերը օպերատիվ պատրաստության մակարդակը բարձրացրել են առավելագույն մակարդակի և պատրաստել են պատասխան գործողությունների ծրագրեր՝ հնարավոր ռազմական զարգացումների դեպքում։ Այս մասին հայտնել է անանուն իրանցի պաշտոնյան, որին մեջբերում է Russia al-Youm հեռուստաալիքը։
Ըստ աղբյուրի, ծրագրերը նախատեսում են ցամաքային, ռազմաօդային և ռազմածովային ուժերի գործողություններ։
Նա հայտարարել է, որ Իրանը պատրաստ է «ծանր, լայնամասշտաբ և անսպասելի» հարված հասցնել ամերիկյան և իսրայելական ռազմական ուժերին ու օբյեկտներին, ինչպես նաև դրանց հետ կապված շահերին, տեղեկացնում է Mehr-ը։
Պաշտոնյան չի հստակեցրել, թե կոնկրետ ինչ միջոցներ են նախատեսում պատրաստված ծրագրերը և ինչ հանգամանքներում Իրանը կարող է դրանք գործի դնել։
Հայտարարությունը հնչել է Իրանի, ԱՄՆ-ի և Իսրայելի միջև պահպանվող լարվածության ֆոնին։
