Սեն-Պիեռը կմնա ֆրանսիական՝ չնայած Թրամփի քարտեզին. Մակրոն

Ֆրանսիայի նախագահ Էմանուել Մակրոնը հայտարարել է, որ Ատլանտյան օվկիանոսում գտնվող Սեն-Պիեռ և Միկելոն արշիպելագը կմնա ֆրանսիական՝ չնայած ԱՄՆ նախագահ Դոնալդ Թրամփի հրապարակած քարտեզին, որտեղ այդ տարածքը ներկայացված է որպես ամերիկյան։

Ավելի վաղ Թրամփը իր Truth Social սոցիալական ցանցում հրապարակել էր քարտեզ, որտեղ ամերիկյան դրոշի գույներով ներկված էին տասնյակ պետություններ՝ Կուբան, Կանադան, Մեքսիկան, Կարիբյան ավազանի երկրները, ինչպես նաև Ֆրանսիայի արտասահմանյան տարածքները։