Բացառիկ իրադարձություն
Կիրակի օրը Վատիկանի Սուրբ Պետրոսի տաճարում Հայոց ցեղասպանության 100-րդ տարելիցի կապակցությամբ Հռոմի պապ Ֆրանցիսկոսի կողմից մատուցված պատարագը և դրա ընթացքում նրա կողմից Հայոց ցեղասպանությունը որպես աշխարհում իրականացված առաջին ցեղասպանություն որակելը Հայոց ցեղասպանության հարյուրամյակի միջոցառումների շրջանակի, թերևս, ամենակարևոր իրադարձություններից մեկն էր։ Հայաստանը կրկին հայտնվեց աշխարհի ուշադրության կենտրոնում` միանգամայն այլ հարթությունում։
Քաղաքական նշանակությունից բացի, տեղի ունեցածն ունի նաև քաղաքակրթական չափազանց լուրջ նշանակություն, ինչին իր հերթին` վստահաբար անդրադառնալու է Հայոց ցեղասպանության միջազգային ճանաչման գործընթացի վրա։ Հռոմի պապի այս քայլն անջրպետ մտցրեց աշխարհում` քաղաքականության, քաղաքական շահերի ու արժեքների միջև։
