Խոշոր ավտովթար Ազգային ժողովի մոտ
Ապրիլի 9-ին, ժամը 21.40-ին տեղեկություն է ստացվել, որ Երևանի Բաղրամյան պողոտայի և Դեմիրճյան փողոցի խաչմերուկում տեղի է ունեցել ՃՏՊ, կա տուժած. առկա է վառելիքի արտահոսք. անհրաժեշտ է փրկարարների օգնությունը:
Դեպքի վայր է մեկնել ՃԿԱԿ օպերատիվ խումբը և մեկ մարտական հաշվարկ:
Պարզվել է, որ դեռևս չբացահայտված հանգամանքներում բախվել են «Տոյոտա» մակնիշի 10 MM 015 և «ԲՄՎ» մակնիշի 68 SD 068 պետհամարանիշերով ավտոմեքենաները. տուժածներ չկան:
Հրշեջ-փրկարարները հոսանքազրկել են «Տոյոտա» մակնիշի ավտոմեքենան և կատարել ճանապարհահատվածի լվացման աշխատանքներ:
ՀՀ Արտակարգ իրավիճակների նախարարություն
