Թուրքիան մտադիր է ազատ առևտրի մասին համաձայնագիր ստորագրել Ռուսաստանի հետ
Ռուսական РИА Новости լրատվական գործակալության փոխանցմամբ՝ Թուրքիայի իշխանությունները մտադիր են Ռուսաստանի հետ ստորագրել ազատ առևտրի մասին համաձայնագիր: Այս մասին հայտարարել է Թուրքիայի էկոնոմիկայի նախարար Նիհաթ Զեյբեքչին.
«Թուրքիան Ռուսաստանի հետ կունենա ազատ առևտրի մասին յուրօրինակ համաձայնագիր: Թուրքական 16 ընկերություն ունի Ռուսաստան մսամթերք արտահանելու անհրաժեշտ փաստաթղթեր»:
Ընթացիկ տարվա հունվարին Անկարայում Ռուսաստանի առևտրային ներկայացուցիչ Թոֆիք Մելիքովը հայտարարել էր, որ 2014 թվականի օգոստոսից սկսած՝ Թուրքիայից Ռուսաստան մսի ու մսամթերքի արտահանման ծավալն աճել է վեց անգամ:
Նա հիշեցրել է, որ Անկարան չի միացել Ռուսաստանի դեմ սահմանված պատժամիջոցներին, ինչի համար էլ հաճախակիացել են պաշտոնական երկկողմ շփումները:
