ԱՄՆ-ը զորավարժություններ է սկսել Բուլղարիայում ու Ռումինիայում
Ամերիկյան Associated Press լրատվական գործակալության փոխանցմամբ՝ ԱՄՆ-ը զորավարժություններ է սկսել Բուլղարիայում ու Ռումինիայում: Գործողությունը ստացել է «Ատլանտյան վճռականություն» (Atlantic Resolve) անվանումը: Այս մասին հայտնել է Պենտագոնի մամլո ծառայությունը:
173-րդ օդա-դեսանտային բրիգադի զինծառայողներն իջեցվել են ռումինական Սմարդան զորավարժարանում՝ ռումինացի դաշնակիցների հետ համատեղ վարժանքներ անցկացնելու համար:
Սրանից առաջ էլ ՆԱՏՕ-ն էր տարածաշրջանում՝ Սև ծովի արևմտյան հատվածում, անցկացրել զորավարժություններ: Մարտի 3-4-ին անցկացված զորավարժությունների ժամանակ ՆԱՏՕ-ի նավերը մտել էին ռումինական Կոնստանցա և բուլղարական Վառնա նավահանգիստներ:
