Անօթևաններն անորոշության մեջ են
Tsayg.am-ը գրում է. Շիրակի մարզի գյուղական բնակավայրերի բնակիչները տարակուսած են: 88-ին բնակարանները կորցրած և անօթևան ճանաչված ընտանիքներին «Գլենդել հիլզը» խոստացել էր կառուցել քարաշեն բնակարաններ: Այդ նպատակով 2012 թվականին գյուղացիներին պատկանող տնամերձ հողակտորներն ընկերությունը սեփականաշնորհել էր իր անունով, որպեսզի այդ տարածքում կառուցեր բնակարան և հանձներ շահառուին: Մինչ օրս սակայն, «Գլենդել Հիլզից» լուր չկա: Ներկա պահին, այդ հողակտորների վրա դրանց արդեն նախկին տերերն իրավունք չունեն ոչ շինարարություն իրականացնելու, ոչ վաճառելու: Տնամերձը ոչ թե իրենց, այլ «Գլենդել հիլզի» սեփականությունն է:
