Պեսկովը հերքել է Պուտինի հիվանդության մասին տեղեկությունը
Ռուսական РИА Новости լրատվական գործակալության փոխանցմամբ` Ռուսաստանի նախագահի մամլո քարտուղար Դմիտրի Պեսկովը մեկնաբանել է նախագահ Վլադիմիր Պուտինի հիվանդության մասին տեղեկությունները:
Պեսկովի խոսքերով` Պուտինը ներկայումս բացարձակապես առողջ է: Ավելի վաղ հաղորդվել էր, որ Աստանայում հետաձգվել է Ղազախստանի ու Բելառուսի նախագահներ Նուրսուլթան Նազարբաևի ու Ալեքսանդր Լուկաշենկոյի հետ Պուտինի հանդիպումը:
Կրեմլը հրաժարվել է մեկնաբանել հանդիպման հետաձգման պատճառները: Բրիտանական Reuters լրատվական գործակալությունը, վկայակոչելով ղազախ պաշտոնյայի, հայտնել է, որ հնարավոր է` այցը չեղյալ է հայտարարվել Ռուսաստանի նախագահի հիվանդության պատճառով:
