«Մարդուն հիշելու համար շատ բան պետք չի, ընդամենը՝ սիրտ»
ankyun3.am-ը գրում է. 1988-ին, երբ Հայաստանում կազմավորվում էին կամավորական ջոկատները, ջոկատ ձևավորվեց նաև Օձունում: 1989 թվականին նկարիչ Ալիկ Պապոյանը, ով նաև որսորդ էր, իր որսորդ ընկերներին համախմբեց ու 32 որսորդներով մեկնեցին Նոյեմբարյանի անտառներ: Նրանց մեջ էին նաև օձնեցի Ռազմիկ Դեմուրյանը, ով հայտնի էր Ցեդուր մականունով, Սերգեյ Դեմուրյանը, Սերյոժա Ղազարյանը և ազգությամբ հույն Ռոմիկ Խարիտովը: Չորս որսորդ ընկեները իրականացնում էին հետախուզություն,մասնակցում ռազմական գործողությունների: Արդեն մեկ տարի է՝ Ռազմիկ Դեմուրյանը չկա: Նրա հիշատակին ընկերներն իր իսկ այգում հուշաղբյուր են կառուցել, որի բացմանը ներկա էին Ռազմիկ Դեմուրյանի ընկերները հարազատները, պարզապես նրան գնահատող մարդիկ:
