6 մթերք, որոնք կարագացնեն նյութափոխանակությունը

Steptohealth.ru կայքը գրում է, որ դանդաղ կատարվող նյութափոխանակությունը կարող է քաշի ավելացման պատճառ դառնալ, քանի որ հենց այս գործընթացի արդյունքում է մեր օրգանիզմը ծախսում կալորիաները: Նյութափոխանակության արագացմանը կօգնեն հետևյալ մթերքները:

1. Բուլղարական պղպեղ: Այն կօգնի արագացնել նյութափոխանակությունը և ծախսել սննդի միջոցով օրգանիզմում հայտնված կալորիաները: Այն օգնում է նաև քչացնել ճարպերի քանակը:

2. Որոշ մասնագետների կարծիքով՝ օրվա ընթացքում երեք բաժակ սուրճը կամ կանաչ թեյը կարող են զգալիորեն արագացնել նյութափոխանակությունը: Կանաչ թեյն ու սուրճը նման էֆեկտ ունենում են հակաօքսիդանտների պարունակության շնորհիվ:

3. Երիցուկի օգտագործումը ևս կօգնի ավելի շատ կալորիաներ այրել:

4. Շնորհիվ հակաօքսիդանտների և այլ նյութերի՝ իմբիրը հրաշալի միջոց է նյութափոխանակության արագացման համար: Բացի դա՝ իմբիրը հագեցվածության զգացում է հաղորդում, ինչը հնարավորություն է տալիս ավելի քիչ ուտել:

5. Կալորիաներն այրելու պրոցեսն արագանում է նաև ընկույզի և ձկան օգտագործման դեպքում:

6. Տանձն ու խնձորն օգնում են ճարպեր այրել, ինչը հնարավորություն է տալիս քաշը նորմայի սահմաններում պահել: Շատ կարևոր է, որ այդ մրգերն ամենօրյա կերակրացանկի մաս դառնան:

Թարգմանությունը 168.am-ի