Ռուսաստանը մտադիր է ամրապնդել ՀԱՊԿ-ի երկրների հետ ռազմական համագործակցությունը. Պուտին
Ռուսական РИА Новости լրատվական գործակալության փոխանցմամբ` Ռուսաստանը մտադիր է ամրապնդել ՀԱՊԿ երկրների հետ ռազմական համագործակցությունը: Այս մասին երեկ ՌԴ ՊՆ-ի կոլեգիայի ընդլայնված նիստում հայտարարել է Ռուսաստանի նախագահ Վլադիմիր Պուտինը.
«Ընդհանուր առմամբ կարևոր է ամրագրել ՀԱՊԿ-ի գծով մեր դաշնակիցների, գործընկերների հետ փոխգործակցությունը»: Պուտինը հիշեցրել է, որ հաջորդ տարի անցկացվելու են ռուս-բելառուսական «Միության վահան – 2015» օպերատիվ զորավարժությունները, ինչպես նաև «Կենտրոն – 2015» ռազմավարական հրամանատարական-շտաբային վարժանքները:
Պուտինի խոսքերով` «Կենտրոն – 2015»-ը հնարավորություն կտա մշակել Ռուսաստանի համար մեծ կարևորություն ներկայացնող Կենտրոնական-Ասիական տարածաշրջանի անվտանգության ապահովման հարցերը:
