Չավուշօղլուն վաղը կմեկնի Թեհրան
Իրանական Fars լրատվական գործակալության փոխանցմամբ` Թուրքիայի արտգործնախարար Մևլյութ Չավուշօղլուն վաղը մեկնելու է Թեհրան: Իր մեկօրյա իրանական այցի շրջանակներում Չավուշօղլուն հանդիպումներ է ունենալու Իրանի արտգործնախարար Մոհամմադ Ջավադ Զարիֆի և իրանցի բարձրաստիճան այլ պաշտոնատար անձանց հետ:
Այդ հանդիպումների ժամանակ քննարկվելու են երկու երկրների միջև երկկողմ հարաբերությունների ընդլայնման հարցերը, ինչպես նաև տարածաշրջանային խնդիրների լուծման հարցը: Նաև պլանավորված է Թուրքիայի ու Իրանի արտգործնախարարների մամլո ասուլիս: Դա կլինի Թուրքիայի արտգործնախարարի կարգավիճակով Մևլյութ Չավուշօղլուի առաջին այցն Իրան:
