ԵՏՄ-ի գործարկմամբ համագործակցության նոր հեռանկարներ են բացվում Ռուսաստանի ու Ղազախստանի միջև. Պուտին
Ռուսական ТАСС լրատվական գործակալության փոխանցմամբ` Ռուսաստանի նախագահ Վլադիմիր Պուտինը շնորհավորական հեռագիր է հղել Ղազախստանի նախագահ Նուրսուլթան Նազարբաևին` կապված Անկախության օրվա հետ: Այս մասին հայտնել է Կրեմլի մամլո ծառայությունը:
Վերջինիս հաղորդմամբ` Պուտինը բարձր է գնահատել Ղազախստանի ձեռքբերումները տնտեսական, սոցիալական ու գիտատեխնիկական ոլորտներում` ընդգծելով երկրի արժանի հեղինակությունը համաշխարհային արենայում ու նրա կառուցողական դերը միջազգային օրակարգի այժմեական հարցերի լուծման մեջ:
Պուտինը նաև ընդգծել է Ռուսաստանի ու Ղազախստանի միջև հարաբերությունների բարեկամական, գործընկերային ու բարիդրացիական բնույթը, ինչպես նաև տարբեր ուղղություններով երկկողմ համագործակցության նոր հեռանկարները, որոնք բացվում են ԵՏՄ-ի գործարկմամբ:
Պուտինը վստահություն է հայտնել, որ հետագայում երկու երկրների միջև արդյունավետորեն կընդլայնվեն ինչպես երկկողմ, այնպես էլ բազմակողմ հենքով փոխշահավետ կապերը:
