Լուգանսկի մարզում հրթիռակոծության հետևանքով զոհվել է 30-50 ուկրաինացի զինծառայող
Ուկրաինական UNIAN լրատվական գործակալության փոխանցմամբ՝ Լուգանսկի մարզի Սվերդլովսկի շրջանի Զելենոպոլիե բնակավայրի շրջանում գործող զինյալները «Գռադ» համազարկային կրակի համակարգից այսօր առավոտյան կրակ են բացել հակաահաբեկչական գործողության զինվորականների վրա:
Օպերատիվ տվյալներով՝ դրա հետևանքով զոհվել է մոտ 30 և վիրավորվել է ավելի քան 100 ուկրաինացի զինծառայող: Այս մասին հայտարարել է Ուկրաինայի ՆԳՆ-ի խորհրդական Զորյան Շկիրյակը:
Նա չի բացառել, որ զոհերի թիվը կարող է ավելի մեծ լինել: Որոշակի տվյալներով՝ զոհերի թիվը կարող է հասնել մինչև 50-ի: Շկիրյակն ընդգծել է, որ ուկրաինացի զինվորականների պատասխանը իրեն սպասեցնել չի տա, և զինյալները կպատժվեն:
